الحمل

شغل جديد بس مرهق فحاول ترتاح

عم تبدأ شغل جديد وتراكمات كثير عليك وببلش عندك نهار متعب انتبهلي لصحتك ولا تخلي الشغل يتراكم عليك حتى تلحق الضروري منو وانتبه لوضعك العام وعندك موضوع صحي بدو مراجعة طبية

عاطفيا : يلي بيعرفك بيعرف وبقدر حساسيتك العالية وبحاجة لشريك يفهم هالشيء بهالوقت الصعب.

الثور

بتتحسن علاقاتك مهنيا وعاطفيا وبالحظوظ

عندك يوم ايجابي استغل هالشي وانبسط بهاليوم ورح تكون احسن بكتير من مبارح رح تلاقي كلامك مسموع ورح تصل للي بدك فترة حلوة استغلها وعيش نجاح واستغل الفرص وطور علاقاتك مع محيطك

عاطفيا : الجفا يلي كان عم تحسو بينقلب اليوم حب كبير وبكون في رومنسية بالأجواء.

الجوزاء

عندك قصص بالبيت ومدايق فحاول تروق

أهلك عم يشغلك وضعن بدي منك تحاول تهدى اليوم وتحل امور عيلتك وبيتك بهدوء حتى ماتكبر اكتر وانتبه من ردة فعلك وتفهم كل الأطراف ولا تخاف رح تمر على خير بس بدك ماتنفعل وتكون متفهم

عاطفيا : بدك حب يريحك وما حدا عم يقدر حاول ما تكون متطلب كثير.

السرطان

أجواء ايجابية ناطرتك ولقاءات ونجاح

عندك قدرات كبيرة ونجاح بيومك واخبار ممكن خليك مساير بتعاملك واستغل الأمور لصالحك اليوم وفيك تكون دبلملسي لتكسب الكل ويكون في تطور ايجابي بعلاقاتك وشغلك وتسافر كمان وانتبه من الحوادث

عاطفيا : تعامل بحذر بعلاقتك حتى ما تخسر شريكك وفرصة لتحسين الأجواء ولقاء او حديث طويل مع الحبيب

الأسد

وضعك بيتغير وبيتحسن بين شغل ومال

عندك فرص مالية وشغل عندك وبدك تعرف تتصرف بس مع هيك انتبه لمصروفك وامورك عم تتحسن عن قبل حاول تتفائل ورح يكون عندك نجاح بمجال وشغلك يوم للصرف والدفع والقبض فخليك جاهز

عاطفيا : مشرق وعم تحس بأنك افضل وعم تستقر عاطفيا شوي شوي بس خفف قلقك وتفكيرك

العذراء

بتفرح أمورك وبتحس بطاقتك أفضل

تحس تصاعدي وشراكة ناطرتك وبكون في تجديد ويوم فيك تعيد ترتيب امورك اذا بدك يوم حلو رح تستفيد منو كثير وتقلب الأوضاع بادر واستغل اليوم وافتح صفحة جديدة وغير الأمور لتدعمك بهاليوم

عاطفيا : اليوم انت مشرق واخبار حلوة رح تسعد قلبك بس خليك متفائل وبلش من جديد اذا علاقتك القديمة تاعبتك.

الميزان

لازم تهدي وتمرق هاليوم لأن تعبان بعدك

حاول تهدي كمان بهاليوم وماتتسرع بخطوة جديدة وبتحس بالتعب من وضعك فحاول تحافظ على راحتك وانتبه لصحتك ولا تتخد قرارات مهمة حتى ماتخسر هاليوم بس وبعد وضعك بصير افضل

عاطفيا : عم تحس بالفراغ ويمكن بأنك مخدوع بشخص أو ما حدا عم يقدر حبك

العقرب

عندك لقاءات حلوة وأجواء اجتماعية بتدعمك

وضعك يعتبر جيد وعم تكون بيوم حلو بين رفقاتك بهالفترة فبادر ولا تضل على الإقناع ومحبة من الأصدقاء واذا بدك شيء اطلبو

عاطفيا : في شيء عم يزعجك وانت بحاجة لإستقرار قدر الإمكان ورح تحصل على هالشي.

القوس

عندك فرص شغل مهمة استغلها وهدي بتعاملك

خليك جاهز بهاليوم لأن يمكن في ضغوط بالشغل عليك وعم تفكر بأمور كثيير وبحلول لمشاكل ويمكن عندك فرصة لشغل جديد او تعامل مع ناس مهمة لكن معرض للمشاكل ولاتخالف القوانين قدر الإمكان

عاطفيا : في هدوء عاطفي انت بحاجة لمبادرة من الحبيب وعم تفكر بارتباط

الجدي

في فرص لسفر ولقاءات حلوة ومعارف عندك

منيح يومك لتسافر وتصل برأيك ووكمان للنجاح والحركة وبتتلقى اتصالات مهمة وفرص حلوة وعم تفكر بالتقرب اكثر من احبابك وتنجح بالوصول للي بدك ياه وتتعامل مع ناس غريبة عنك وتقنع بحضورك

عاطفيا : الحب عم يدق بابك من جديد وأوقات حلوة ناطرتك بعلاقة جديدة

الدلو

أجواء ايجابية اذا عرفت تستغلها ماليا وبتغيير

عندك اخبار حلوة وعم ترتاح نسبيا بهاليوم وتحل مشاكل وتحصل على مال وفي شغل مشان هيك حاول تنظم يومك وتحل امورك بهاليوم وتحسن نسبي الأجواء وامكانية لتخلص من مشاكلك

عاطفيا : بعدك مو مرتاح وعم تفكر تصالح او تحل مشكلة ومابدك تتنازل

الحوت

عندك شراكات وعقود ومدايق نسبيا فهدي

مو عبعضك وضغط عليك وضايج ومزاجك عم يأثر عليك عم يخليك معصب ومتوتر انتبهلي لشراكتك عاطفيا او بالشغل ولا تنفعل وكون متفهم وخود برأي غيرك ولا تستفز حدا حتى لو هو يلي بدأ معك

عاطفيا : ماحدا عم يفهمك ولا عم يعرف يتعامل معك كلو ضدك او انت عم تشوف هيك فاهدى