وفي هذا الإطار، نشر رمضان مقطع فيديو عبر حسابه الرسمي على انستغرام قال فيه: "رسالتي لكل جمهوري العربي، رأس مال أي فنان هو الناس اللي هم حضراتكم، بنطلب من كل حبايبنا ومن كل اللي حوالينا من أمي ومن أبويا يدعوا إن ربنا يحبب فيا الناس والجمهور اللي هو حضراتكم".

وتابع: "شيء قاسي جدًا لما أكتر حد تبقى أنت عايز تسعده وتبسطه وتنال رضاه هو اللي يكون قاسي عليك بالكلام، كلامي عن زمايلي وأخواتي وحبايبي وأنا بتشرف بزمالتهم الاتنين محمد سلام وبيومي فؤاد لا محمد سلام غلط ولا بيومي فؤاد غلط وحتى لو فيه زلة لسان احنا بنقول اللهم لا تؤاخذنا إن نسينا أو أخطئنا حتي لو غلطنا واحنا بنصلي ربنا بيسامحنا".

أضاف: "عملوا إيه الاتنين عشان نكون قاسيين سواء على سلام أو بيومي إيه اللي عملوه؟، والأخبار اللي بسمعها إن شاء الله تكون كلها إشاعات إن سلام مش هيشتغل ولا حد هيسمح بده لا احنا كفنانين ولا الجمهور اللي هو في ضهر أي فنان بيحبه ولا إحنا مع اللي بيحصل في إنه يقفل الكومنتات عشان مايشوفوش كلام وحش، ياريت نكون أحن من كده على بعض".

وأثارت تصريحات بيومي فؤاد جدلاً كبيراً على مواقع التواصل الاجتماعي بعد هجومه على زميله محمد سلام بعد انتهاء عرض مسرحية "زواج اصطناعي" في موسم الرياض والتي اعتذر سلام عن المشاركة بها تضامناً ومساندةً للشعب الفلسطيني.

وشن بيومي فؤاد هجوم على سلام أمام الجمهور السعودي قائلاً: "من حقك تعتذر عن المسرحية لكن مش من حقك تغلط في فنك".

موقف بيومي فؤاد من زميله محمد سلام، قوبل بهجوم كبير عليه وخاصة من زملائه في الوسط الفني.

وخسر بيومي فؤاد، أكثر من 500 ألف من متابعيه، عبر صفحاته الرسمية على مواقع التواصل الاجتماعي، ويواصل نشطاء مواقع التواصل الاجتماعي المطالبة بإلغاء متابعته وعدم مشاهدة أعماله.

يذكر أن محمد سلام التزم الصمت ولم يرد أو يعلق عبر صفحاته الرسمية على مواقع التواصل الاجتماعي على فيديو بيومي فؤاد، فقط اكتفى بإلغاء متابعته على انستغرام.