أرفقت خليل هذا الفيديو كليب بتعليق كتبت فيه: "بقلبي 2700 طن من الحكي والوجع"، أما مضمون هذا الكليب الذي وضع فكرته ونفّذه إخراجياً ريشا سركيس، فتقول فيه داليدا بصوتها ما يلي:
"بيروت، كيفك؟ خبريني عن كوابيسك خبريني عن أشباح الليل اللي عتّموا إيامك وعن يللي سرقوا الضحكة ويتّموا أحلامك من يوم اللي دمروكِ وأنا عم موت ميّة موتي عليكِ وعا حلاكِ أنا عم موت زرعوا حقدن وبإهمالن فجروكِ ومش عم بعرف شو أعمّلك وداويكي من اللي إذيوكِ وبهاليوم الأسود كان المرض الساكن فيي مانعني إفتح إيديي لأقرب شخص عا قلبي وأقرب من روحي عليي مانعني داويلو جروحو إمنع اللي راحوا يروحوا وإختي اللي مرميّة عالأرض تصرخلي وأوصلاّ ما فيي نشّفوا دموعي وانكسر قلبي وأنا محجورة بغرفة وعم موت مرتعبي. شو اللي وصلّنا لهون، قولوا شو الخبرية قولولي مين بدنا نحاسب والحقيقة مخفية كلّو بستّر ع كلّو لو كلّن عنا بحلّو ما هني يللي قتلونا وأصلا هني البلا كلّو خبريني يا بيروت؟ كم مرة بدنا نموت وعم بقولوا يللي راحوا انكتبلن عمر جديد قوليلي احكيلي هيدا الحكي مزبوط؟ ومعقولي هني يللي عاشو ونحنا ونحنا اللي عم منموت؟ ممنوع ننسى".

بعدها تفاعل الجمهور بشكل كبير مع هذا الفيديو عبر منصات التواصل الاجتماعي منذ طرحه.