في التفاصيل، اتهم الممثل المصري أحمد التهامي صنّاع هذا العمل بسرقة فكرته منه مع التنويه بأنّ تامر حسني لا يعلم بحقيقة هذا الأمر، إذ كتب التهامي المنشور الإلكتروني التالي عبر فيسبوك:"أنا سكت كتير عن حقي عشان ما زعلش حد مني اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمدى اللي يليق بمجهودي وتعبي في مشواري الفني قولت كل شيء نصيب والحمد لله على حب الناس والدنيا مستورة والحمد لله".

أضاف التهامي: "إنما توصل إن مشروعي مشروع عمري اللي أنا تعبت فيه كتبته ولفيت بيه على معظم شركات الإنتاج ولسة عندي يقين وإيمان بالله إن هييجي يوم وأعمله يتسرق مني ويعمله حد تاني بغض النظر ده فيلمي ومشروعي أنا أول واحد من 10 سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي، إنما التوأم الخارق، ده بتاعي ومسجلة في المصنفات والشهر العقاري".

كما ختم كاتباً: "تامر حسني صاحبي وأخويا وأكيد ما يعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل أنا حاولت أوصل لِتامر حسني ومعرفتش".