كتب المؤلف والمخرج محمد سامي عبر فيسبوك: "مرة سألت أهم مطرب في الوطن العربي وأكثرهم نجاح وشهرة واستمرارية (عمرو دياب) قلتله أيه أهم حاجة تخلي الفنان يستمر، رد عليا بدون تفكير بكلمة واحدة (المحتوى)، شكرا عمرو على كل كلمة سهلة قلتلها ببساطة في قعدة حلوة، بس هي مش بسيطة خالص ولا عدت عليا عادي، يا بخت الي يجيله فرصة يتعلم من العظماء".

على ما يبدو أنّ هذا المنشور إستفزّ جمهور الفنان تامر حسني بالرغم من عدم وجود أي مُبرّر لذلك، فتعرّض سامي لهجوم شديد ما دفعه لكتابة منشور آخر وَرَد فيه ما يلي:"أنا معرفش ليه جمهور تامر حسني زعلان مني، وقاعدين يشتموني علي كومنت كتبته على عمرو دياب، وبيفكروني بأفضال تامر وأن هو اللي قدمني واللجان شغالة، وأنا عارف مين اللي بيكتب، مع أني أنا مش محتاج تفكرني قصدي تفكروني، أنا دايماً بشكر في تامر، وتامر خطوة مهمة جدًا في حياتي وقصر لي السكة كتير، وضافلي ووشه كان خير عليا، وبقول ده طول الوقت في البرامج ولكن مش معنى إني أشكر في قيمة وقامة زي عمرو دياب إنك قصدي انكم تشتمني قصدي تشتموني."

كما نوّه كاتباً: "حتى لو سألتو تامر نفسو هيقولكوا عيب، عشان دي مش أخلاق تامر".

تعقيباً على ذلك نشير إلى أنّ جمهور تامر غالباً ما يقوم بمثل هذه التصرفات وينشر تعليقات هجومية عبر مواقع التواصل الاجتماعي خاصة في موضوع المقارنة بين تامر والهضبة عمرو دياب منذ سنوات.