بعد أن تفاعل الجمهور مع مسلسل "حالة خاصة"، تعرض خلال الساعات الأخيرة لهجوم حاد. فماذا عن التفاصيل؟

شنّت المحامية والناشطة الحقوقية نهاد أبو القمصان هجومًا حادًا على صناع مسلسل "حالة خاصة"، حيث تشارك في بطولته الممثلة المصرية غادة عادل، ويتناول قصة شاب يعاني من التوحد ويعمل في مكتب محاماة تمتلكه غادة.

ونشرت أبو القمصان مقطع فيديو عبر منصات التواصل الإجتماعي، حيث تعبّر عن آرائها حول المسلسل: "جميل أن يكون في مسلسل بيتكلم عن وجود شاب عنده حالة خاصة بس المكتب ده عايز يتشمع بكل المحامين اللي فيه، يعني أولًا إزاي نجيب صاحبة القضية ونقعدها مع كل المحامين ومنهم المحامين اللي تحت التمرين ونقولها قولي كل أسرارك قدام الكل ونقولها هما دول اللي هيحلولك القضية، دا ضد مهنة المحاماة تمامًا مش في حاجة اسمها خصوصية إزاي أجيب موكل يتكلم عن أسراره قدام شباب لسة بيتعلموا ومتعينوش في المكتب ودا انتهاك شديد لقيم وأخلاق مهنة المحاماة". 

إلى جانب ذلك، ذكرت: " ثانياً خلع إيه اللي بيعملوله تحقيق، ستة بيحققوا في قضية خلع ويصوروا جوز الست ويقولولها هاتي كشف طبي، الكلام دة ممكن يكون بيطبق في انجلترا اللي فيها اقتسام للثروة فكل واحد بيثبت إنه مش هو سبب الطلاق لكن الخلع عندنا الست بتتنازل عن أي حاجة ومش بنقول أسباب أصلًا أما التحقيقات دي في الطلاق للضرر".

وأكملت أنّ إذا كان هناك مشكلة أخلاقية في المهنة ومواضيع غير ملائمة في المسلسل، يجب على القائمين عليه أن يستشيروا محاميًا ليقوم بمراجعة المحتوى ويقدم آراءه حولها.

أضافت: "كمان الجناية اللي المتهم ممكن يأخذ فيها إعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحامين إنتوا أكبر عقول وأكبر محامين ومش عارفين توصلوا لحل".

تابعت قائلة: "وصاحبة المكتب قاعدة مع الستة المتدربين اللي لسة بتختبرهم مش حتى دول تحت التمرين والست أفراد معاهم قضية واحدة، ولا المحامي المتحرش هل في محامي ممكن يتجرأ على أستاذته ويتكلم معاها بالطريقة دي".

لم تكتف بذلك، بل ذكرت: "حرام تدمروا ثقافة المجتمع القانونية دا إحنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحامين من الكلام دا".

وقالت أخيراً: "أنا اتفرجت على أربع حلقات وقلبي مش جايبني دة مفيش منظومة أخلاق ولا قواعد مهنية ولا قانون".

والجدير بالذكر أنّ الممثل طه دسوقي يقدّم بطولة هذا المسلسل، وتشاركه غادة عادل، أحمد طارق، هاجر السرّاج، حسن أبو الروس، وئام مجدي، أحمد الأزعر، علي السباعي، لينا إيهاب، الطفل آدم وهدان، أدهم النحاس. هذا العمل من تأليف مهاب طارق، وإخراج عبد العزيز النجار.