في التفاصيل، نشر الإعلامي عمرو أديب فيديو عبر حسابه على منصة إكس وقال فيه: "الدنيا يبان إنها مقلوبة بسبب فيلم النونو لأحمد حلمي، وفيه لجان مدسوسة هي اللي شغالة على الموضوع ده، وتشيع أنه إهانة للشعب المصري ومصر، واحنا عارفين إن ده متظبط أغلبه، وفي ناس ولاد حلال غرضهم يدافعوا عن البلد".

واستكر عمرو أديب قائلاً: " أنا عايز أسأل سؤال، هو أحمد حلمي ده مش ابنكم وأخوكم وصاحبكم؟ أحمد حلمي موجود من زمان يا جماعة وعمل مليون فيلم، فجأة تقرر إن أحمد حلمي باع بلده ودينه وحياته علشان شوية ريالات!قبل كدا أحمد حلمي عمل فيلم "عسل أسود" ونزل لقى البلد فيها سلبيات كتير، ولكن فيه ناس غرضها الاصطياد في المياه العكرة وغرضها تبوّظ البلد وعايزاها مولعة وتعبانة وفيها توتر مهما الدنيا هديت".

وأشار عمرو أديب إلى أن دور النصاب الذي أثار الجدل حول الفيلم ليس جديداً على السينما المصرية قائلاً: "دور النصاب في الفن المصري والسينما المصرية موجود منذ زمن، وكل شعوب العالم يوجد بها نصابين".

وطلب عمرو أديب من الجمهور عدم التسرُّع في الحكم على العمل قبل أن يخرج للنور فقال:" الفن فيه كل حاجة ومش دوره بس يوري الإنسان الكويس الطيب، الفن دوره كمان يبيّن المشاكل والمصايب، أرجوكم اهدوا واحكموا على العمل بعد ما تشوفوه".

وكان قد كشف رئيس هيئة الترفيه في المملكة العربية السعودية تركي آل الشيخ تفاصيل الفيلم في فيديو نشره عبر منصة إكس، وقال فيه: "عندنا مفاجأة مهمة مع الأسطورة أحمد حلمي. في واحد من الأفلام اللي هيدخل فيها في نهاية 2024 وبداية 2025، فيلم نصّاب كبير هييجي المملكة وهيعمل عمليتين نصب كبيرة، الأولى في بطولة Gaming والثانية لناس في العمرة والحج".
وبدوره قال أحمد حلمي: "فيلم كوميدي إن شاء الله اسمه النونو".