إليسا: "سياسيّي بلادي يا بلا ضمير"

غرّدت ملكة الإحساس إليسا في هذا الإطار عبر تويتر بالتالي: "‏يللي عم يصير مقرف ووقح. كيف بيرضو مسؤولين من راسن لأصغر واحد فيهن يصير بشعب واحد الشي اللي عم يصير هلق؟ العالم عم تنتفض ع فسادكن. ولّعتو بيروت بحقدكن وقرفكن. استحوا فلو كلكن يعني كلكن بقا".
ثمّ وجّهت كلمة إنتقادية لرجال السياسة كتبت فيها:"يا عيب الشوم عليكن يا سياسيي بلادي يا بلا ضمير".

سيرين عبد النور:"لعنة صابتنا"

أما النجمة اللبنانية سيرين عبد النور فلقد علّقت على المواجهات في بيروت، وقالت:"يللي عم بصير ب وسط بيروت ما بيشبه الثوار ولا القوة الامنية وكإنو لعنة صابتنا كإنو الشر بحد نفسو مسيطر على العقول هيدا المشهد الغير سلمي الوحشي من الطرفين ما بظن بوصل لبنان على بر الأمان ... لبنان ينتقض بدنا وطن ما بدنا حزب لبنان الله يحميك".

راغب علامة:"بيروت تحترق"

إنتقد السوبر ستار راغب علامة الطبقة السياسية مجدداً حيث كتب علامة التغريدة التويترية التالية: "بيروت تحترق انه صراع بين شعب لم يعد يملك أي شيء الا الذلّ والقهر! بالنسبة له الحياة تشبه الموت! وبين طبقة سياسية لن تستطيع العيش بدون التسلّط والنهب والسيطرة على كل مقاليد الحكم خوفاً من انتقام الشعب! طبقة سياسية نفّذت تهديد العدو الصهيوني بإعادة لبنان عشرات السنين الى الوراء".

بديع أبو شقرا:"اليوم بيروت حلوة وحقيقية"

بدوره وصف الممثل اللبناني بديع أبو شقرا مدينة بيروت بعبارة "الحلوة والحقيقية ودافع عن الثوار حيث كتب بديع عبر مواقع التواصل الاجتماعي: "اليوم بيروت حلوة، بيروت حقيقية، هودي اللي عمبتسمّوهن زعران عمبيضحّوا بعيونن ليبنوا بلد بوج الزعران الحقيقيين اللي ناهبين ومسيطرين".

يوسف الخال:"سلمية"

بينما نشر الممثل اللبناني يوسف الخال صورة جديدة له عبر تويتر، ليُعقِّب على المواجهات التي حصلت بين قوى الأمن والمتظاهرين في وسط بيروت، اذ ظهر الخال وهو يحمل بندقية حربية وأرفقها بتعليق جاء فيه:"سلمية".

كارلوس عازار:" السياسيين هنّي سبب خراب كل شي"

أيضاً كتب الممثل اللبناني كارلوس عازار التغريدة التالية:"كتير عبالي أعرف كيف بتكون الصبحية اليوم عند السياسيين يلّي هنّي سبب خراب كل شي بهالبلد ، انّو أكل وقهوة وأحاديث طبيعيّة عن الطقس مثلاً ؟ قولكن شافوا شو صار مبارح ؟

ميريام فارس "مستاءة" بسبب الوضع

نضيف إلى ذلك لنشير إلى أنّ الفنانة اللبنانية ميريام فارس عبّرت عن إستيائها من الوضع الراهن في لبنان، فمنذ أيام معدودة كان قد تساءل محبّو ميريام عن سرّ غيابها عن مواقع التواصل الإجتماعي مؤخراً، فردّت عليهم ميريام عبر تويتر لتشير إلى أنّ مزاجها سيء بسبب وضع البلد في لبنان، فكتبت: "لست بمزاج جيّد في الفترة الأخيرة بسبب الوضع في لبنان.. بس انتو بتشيلوا الهم عن القلب".