ترأس رئيس الجمهورية العماد ميشال عون، عند الحادية عشرة من قبل ظهر اليوم في قصر بعبدا، “اللقاء الوطني” في حضور رئيس مجلس النواب نبيه بري ورئيس مجلس الوزراء الدكتور حسان دياب، وعدد من القيادات ورؤساء الأحزاب والكتل النيابية الممثلة في مجلس النواب، لعرض الوضع العام في البلاد.

وعلى هامش اللقاء، وتصدّر هاشتاغ #لقاء_بعبدا قائمة تويتر، قام عدد من النجوم بالتغريد والتعبير عن آرائهم في هذا الموضوع، ومنهم :

مايا دياب :" يا فخامة الرئيس لبنان ما بدّو اجتماع،لبنان بدّو قرار...، حوار وطني من طرف واحد،حلو مش حلو،حلو، لقاء بعبدا بعبدا،مؤثر عندما تجتمع القوى بنفسها وحلولها تكون هي نفسها الاسباب التي اودت بالبلد الى ما هو عليه اليوم."

نعيم حلاوة :" رسالة مفتوحة الى الأخوة في #لقاء_بعبدا الزاهر

وبعد،

قلّوووو.. حشّك بشّك فركشتوني

حشك بشك ما فهمتوني

أنا بوادي وإنتو بوادي

كل واحد على ليلو ينادي

سرقتوا من إيدي الزوادي

ولقمة وحدة ما عطيتونييييي

حشك بشك

بيروت في 25 حزيران 7000".

طارق كرم :" طالما أهلية بمحلية والمعلم واحد، لشو هالإجتماعات والمناقشات إنت واياه وليه؟

مصروف ورق، وإنترنت وأكل وشرب عالفاضي بس بركي صار مفاجأة من فيصل كرامي، خلينا ننطر".

نانسي فاخوري :" أهمّ شي إنّو كلّن بيركب عليهن "واثق الخطوة يمشي".

لوسيان أبو رجيلة :" كل ما اسمع هالرؤساء عم ينقوا عالوضع بخطابات "رصينة" بحس حالي عم اسمع شي مواطن بالشارع عم ينتقد إنهيار الدولة والافلاس والفساد المستشري والسلاح المتفلت.

مع مين عم تحكوا يا رؤساء الدجل؟ انتو الدولة وانتو السلطة وانتو المسؤولين عن الإنهيار."...