عبّرت ملكة الإحساس إليسا عن حزنها كاتبة: "ما بعرف قدي اللبناني بعد عندو قدرة يتحمل كل هل العذاب،والله كتير هل القد!!
‏كل يوم جرايم قتل مسنين وشباب وسرقة واليوم كملت بقتل ⁧‫#باسكال_سليمان‬⁩
‏الله يصبر عيلتو واهلو ويصبرنا عا الظلم اللي عم يتعرضلو شعبنا
‏وشبابنا عا أرضنا!! الله يرحمك يا ⁧‫#باسكال_سليمان‬⁩".

أيضاً النجمة اللبنانية مايا دياب كتبت: "اذا بس بدنا نعدّد كمية الجرائم المرتكبة بحق اللبنانيين يومياً، من سرقة وقتل واغتصاب وسلب وترعيب، بدنا عدّاد، الى متى رح نضل ساكتين على اغتصابنا بشتى الطرق يومياً.. فلّوا يا مجرمين..اليوم المغدور باسكال سليمان حرقلي قلبي وقلوبنا كلنا..الله يرحمك ويصبر عيلتك المفجوعة..كيف رح نواجه..وشو يعني نمنع تجوّلن غداً..هل هذا يكفي؟؟؟ بدنا قرار وقرار كبير مش عم بعرف شو عم بكتب ولا عم بعرف شو قول خلص الحكي ..".

كما كتبت الممثلة نادين الراسي: "شو هالمسا الحَزين ويا ويلنا من هالحِزِن !!
‏⁧‫#باسكال_سليمان‬⁩".

النجمة سيرين عبدالنور شاركت صورة المغدور وعلقت كاتبة: "عدالتك يا رب
‏المجرمين يمكن يهربوا ويمكن يتلاقوا بس الاكيد نهايتهم بجهنم
‏⁧‫#باسكال_سليمان‬⁩ لروحك السلام الله يصبر قلب محبينك ويرحم هالوطن وشعبه"، بدورها أعادت الممثلة اللبنانية كارمن لبس إعادة نشر تدوينة سيرين على حسابها الخاص.

كذلك شاركت الإعلامية ومقدمة البرامج كارلا حداد صورة تجمع باسكال بعائلته وعلقت: "لأيمتى الإجرام ؟! الله يرحمك ⁧‫#باسكال_سليمان‬⁩ و يصبّر عيلتك و يخلّص لبنان من أعداء الوطن."

أيضاً الإعلامية رابعة الزيات شاركت الصورة نفسها وعلقت: "خسر لبنان وهالعائلة اللبنانية المواطن ⁧‫#باسكال_سليمان‬⁩ صحيح ما في شي ممكن يعوّض هالخسارة الكبيرة لكن نتمنّى من الدولة اللبنانية أن تقتص من المجرمين".

الممثلة كارين سلامة كتبت: "عم تتخايلوا معي، انو بلحظة الموت، مش بفيلم ولا بخبرية، باللحظة يلي بتتواجه مع الموت على ارض الواقع، ما بيخطر على باله الإنسان غير اولاده؟
‏الجملة يلي قالها ⁧‫#باسكال_سليمان‬⁩ دخيلكم ما تقوصوني عندي اولاد، بتذبح القلب من جوا
‏الله لا يجرب حدا".