جاء رد النهار عبر الخاصية القصصية على انستغرام حيث كتب ما يلي: "إستحوا على حالكم ضحكتو وشمّتوا شعوب الأرض فينا واحد زعلان من شغلي وقال ما بستاهلو وواحد بقلك شايف حالو وواحد بقلك ليش حكا مصري وواحد بقلك هيفا وواحد بقلك هو لأنو حلو إشتغل. والكثير من الكلام الغير مهني وبعدين بيسألو ليش ما عم يشتغلو، هي المهنة يلي هيه الفن هي مهنة حب بس تحب بصير شكلك حلو ومو بس الفن بكل مجال حب لتنجح حبو لتصيرو".

أضاف كاتباً: "ما عاد عندكم شغلة غير معتصم النهار فكرو بمشاكلكم وفكرو ليش وصلتو لهدا المستوى البشع متل قلوبكم ولما كون ببرنامج مصري والمقدم مصري والمحطة مصرية ف طبيعي وعادي وبشرفني أحكي مصري مانها قضية تحكو فيها لتلفتوا إنتباه لشخصياتكم المريضة وبضاعتكم الفاسدة".

بدورها، كانت كتبت عبير شمس الدين عبر فيسبوك بعد إطلالة معتصم مع السقا: "بس حدا يفهمني يعني ليش نحنا بس عم نطلع بشي لقاء عم نحكي مصري والله لهجتنا حقها ذهب..وحبايبنا المصريين واللبنانيين والمغرب العربي والخليج العربي والحبيبة فلسطين والأردن بيفهموا لهجتنا ونحنا منفهم لهجتهم..شو القصة تحيا سورية يا شباب وتحية لكل الوطن العربي وتحية لكل فنان عربي بيحمل لهجته تاج على رأسه..".

لكن بعد ساعات وجيزة، نوّهت عبير أنّها لم تقصد معتصم في منشورها إنّما كانت تتحدث بشكل عام معبّرةً عن محبّتها وإحترامها لِلممثل معتصم النهار.