وعلى هامش تكريمها، أبدت عبيد دهشتها من عدم تلقيها أي عروض جديدة للمشاركة في الأعمال الفنية، رغم أنها لم تعلن اعتزالها الفن، منوّهة بأنّها ضحّت بكل شيء حتى الأمومة من أجل الفن قائلة:"أنا نفسي أشتغل تاني وأقف قدام الكاميرا، لكن دلوقت مفيش منتجين بيتواصلوا معايا، يعني أنا بشوف الفنانات الشباب وهم بيمثلوا بس هل هم مالهومش ماما، أو طنط، أنا وجيلي معظمنا مش بيشتغل دلوقت مع إن أماكنا موجودة وفاضية في المسلسلات أو الأفلام، مش عارفة إيه السبب إن مش بيتعرض عليا أدوار خاصةً إني لسه معتزلتش الشغل، خاصةً إني ضحيت بكل حاجة من أجل الفن؟!".

إلى جانب ذلك، عبّرت عبيد عن سعادتها بهذا التكريم حيث قالت: "أنا مبسوطة جداً لأن التكريم جالي في الوقت المناسب، والمهرجان ده مخصوص للمرأة وبيقدم كل قضاياها وأنا أكتر واحدة قدّمت قضايا المرأة وسعيدة بذلك". وأضافت: "أنا قدمت قضايا كتير وعملت أكتر من 90 فيلم كلهم عن المرأة، معتقدش إن لسه فيه قضايا مقدمتهاش عن المرأة".