ونشرت ملكة الاحساس اليسا تدوينة عبر حسابها على اكس كاتبة:"وعد انو ما راح يمرق نهار وما نحكي فيه عن 4 آب وعن يللي صار بأهلنا ومدينتنا. ما راح ننسى وما راح نسامح. الوجع كبير بس حبّنا لهالبلد بيبقى أكبر من كل شي. الله يحميك يا لبنان".

وكتبت النجمة اللبنانية نانسي عجرم عبر اكس:"كم إم اليوم عم تبكي عالسكت؟ كم عايلة تغيّرت حياتن للأبد؟ كم ولد تيتّم وصار وحيد؟ وكم جريح بعدو يمكن لهلق عم يعاني؟ كرمالن كلّن وكرمال الضحايا الأبريا اللي راحوا ب 4 آب ما رح ننسى، العدالة لضحايا انفجار مرفأ بيروت".

‏بدورها كتبت شمس الأغنية اللبنانية نجوى كرم:"كيف رح ننسى؟ وما فينا ابداً…بس لازم نكفّي ونكفّي، حتى يعرف الكلّ الكلّ، إنّو نحنا الشّعب الحيّ!! بيروت، نحن أبناء القيامة، ‏لبنان عايش بقلب الله..".

السيدة ماجدة الرومي كتبت:"ربّي وإلهي أشفق علينا وعلى أهالي كل الشهداء .. وخاصة اليوم أهالي شهداء المرفأ .. كيف لا تستفزّك هذه الدماء الطاهرة ؟! متى تنتقم لهم؟ متى سيحلّ علينا جميعاً يوم عدالتك على هذه الارض وعلى كل من أجرم بحقّ لبنان وشعبه؟!!!متى يا رب؟!".

من جهته نشر السوبر ستار راغب علامة تدوينة جاء فيها:"4 آب كان يوماً حزيناً على شعبنا وعلى الإنسانية، رائحة الإجرام دخلت كل مكان في بيروتنا وبيوتنا وشوارعنا. اللهم نطلب منك الإنتقام من اعداء لبنان الذين افتعلوا هذه الجريمة التي أدمت القلوب وقتلت الأبرياء وهجرت الشباب وسرقت الأمن والأمل. سيبقى لبنان جميلاً رغم أنف الأعداء وسيأتي يوم على المجرم وسيدفع ثمن جريمته عاجلاً ام آجلا ًبإذن الله".

وشاركت الممثلة اللبنانية ماغي بوغصن تدوينة جاء فيها:"4 سنين مرقوا على تاريخ ما رح ينساه كل لبناني. الله يرحم الشهدا اللي سقطوا متل هاليوم ويصبر أهلهم وناسهم. صار لازم عدالة الأرض تتحقّق.. صار لازم نعرف كل الحقيقة".

كما نشرت الديفا هيفاء وهبي تدوينة :"اليوم ذكرى انفجار مرفأ بيروت ، ذكرى، وجعنا ووجع لبنان ، لأجل كل الضحايا لأجل بيروت الجريحة لن ننسى!".

أما النجمة اللبنانية كارول سماحة فكتبت:"في جروح ما بتصغر مع الوقت، وكل يوم بتكبَر أكتر...بيروت ما رح ننسى".

الممثلة اللبنانية سيرين عبد النور كتبت:"ابداً مش رح ننسى الغدر ما بينتسى".

أيضاً حرص عدد آخر من نجوم لبنان على احياء الذكرى الرابعة لانفجار مرفأ بيروت.