أضافت هالة صدقي، خلال لقائها مع برنامج “ضيفي”، الذي يقدمه الإعلامي معتز الدمرداش: "فتحت مطعم عشان أحافظ على هالة صدقي، ولا أضطر أن أشتغل شيء لن يعجبني، لأن ده مصدر رزقي الوحيد.. ده مشروع كان لازم أعمله من زمان، لأني ست فلازم يكون في مورد تاني"

وأضافت: "أنا ببيع بصل دلوقت، زرعت في المزرعة اللي أنا فيها بصل وببيعه، والمزارعين مجوش اليومين اللي فاتوا نزلت أنا شيلت البصل، إيه المشكلة! عمر الشغل ما كان عيب، العيب إنك تمد إيديك".

وسبق أن نشرت هالة صدقي مقطع فيديو عبر حسابها في إنستغرام وهي تقوم برعاية محصول البصل، وعلقت عليه قائلة: "هو المفروض أتصور وأنا في أفخم الأماكن وأشيك الأماكن بس ده الواقع هو كده غلط ما يصحش الناس تشوفني كده حد محتاج بصل، هو الكيلو بكام بصل هالة صدقي". وظن أغلب الجمهور أن الفيديو دعابة من كواليس تصوير أعمالها الفنية.