خلال الحلقة، عبّر رمضان عن ندمه على طريقة تقديمه فيلم "عبده موتة" إذ قال: "عملت فيلم عبده موتة عام 2012 وكان عندي 24 سنة، لو رجع بيا الزمن مستحيل أعمله بنفس الشكل، لأن عقلي بقى أنضج وبقى عندي رؤية أشمل، وتفاصيل أكتر، لكن أنا ما كنتش متوقع أن هيشوفوه كم الناس دي وهيكسر السينما، والسينمات تفضل شغالة 24 ساعة على الفيلم، وبعد يومين من عرضه، السينمات اللي كانت رافضة تاخدوا يطلبوا ياخدوه علشان فيه إقبال كبير.
أضاف:" أنا عارف أن جمهور كبير بيشوفني وبدخل بيوت ناس وبشكل جيل بأثر في جيل، ولو رجع بيا الزمن كنت هعمل نفس القصة بطريقة تانية ويبدو حسن النية في نهاية الفيلم لأن عبده موتة أتعدم صغير وما طلعتوش منتصر."
أما عن انتقاد أغنياته وملابسه، فأشار رمضان إلى إنه يلتمس العذر للجمهور حين ينتقدون ذلك، كأغنيته الشهيرة"نمبر وان"، وقال:" لو لقيت مغني بيقول أنا في الساحة واقف لوحدي، هزعل، أنا كمحمد رمضان لو شفت حد بيقول أنا نمبر وان وبيزعقلي أوي هيستفزني جدًا". أضاف:" اللبس الغريب دا في الحفلات بيبقى جزء من الشو والبهرجة الزيادة.. ولكن في الحياة العادية لبسي بسيط وشبه كل الشباب."

أيضاً تحدث رمضان عن أزمته مع قائد الطائرة الراحل أشرف أبو اليسر، معترفاً بأنه أدار الأزمة بشكل سيء وقال: "أنا زعلان أني تسببت في شيء قاسي للطيار أشرف أبو اليسر، وسعيد أني في هذا الجمع، وبطلب منهم الدعوة له بالرحمة النهارده، أنا بعترف أن أحيانًا كتير مش بنعرف ندير أزماتنا بشكل سليم، وتفاجأت بهذا القرار القاسي والإيقاف مدى الحياة".