وفي التفاصيل، قال: "خرمت ودني ولبست حلق في وقتها كانت الدنيا كلها مخرومة وقلت يعني جت على ودني"، مضيفًا: "ولما الدنيا بدأت تبقى في أحسن حال بفضل الله، والأغاني تنجح، بدأت أعمل زي باقي الناس".

وتابع: "بعدين سافرت إيطاليا ورأيت أحسن ستايليست في ميلانو، وطلبت منه يلبسني أحسن حاجة، واللي عملته طبعًا كان غلط واعتذرت عنه، ولو البنات أحيانا بتعمل أشياء غريبة أنا عملت زي البنات".

وأكمل ممازحاً: "وقت تصدر الترند بالقميص قلت خلاص ما هو كدة ترند ولنأخذ الترند على المفتاح فرحت ضارب "الحلق" وأول ما طلعت المسرح لم يحصل أي حاجة"، مضيفًا :"أول حاجة حصلت والدة أحد اصحابي تكلمني وقالتلي إنت عملت كدة ليه؟ إنت مجنون يا ولد؟ وما حدش بيتكلم عن الحفلة والكل بيتكلم عن الإطلالة". ولفت إلى أنه ارتدى الحلق ليوم واحد.

وعلّق أحمد على أغنية "عليكي عيون" أن كلماتها كانت موجهة لطليقته علياء بسيوني وغناها لأجلها"، مضيفًا: "والكلام ليها وأحلى ذكريات معاها وبيني وبينها بنت، وهي قدمتني لقدام ومش معنا إحنا اختلفنا بجانب هدمنا كل الجوانب، وسأل: "هل هي مش أم صالحة لعيالي وهل هي مش عليها عيون لا بتنافق ولا بتخون ".؟

ولفت إلى أن أصالة هي من تستحق كلام الأغنية كونها أكثر من آمنت به ووقفت إلى جانبه وكانت الداعم الكبير له".

وتطرق أحمد خلال اللقاء إلى الحديث عن عائلته، حيث تحدث عن شقيقه العالم، قائلًا:" سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر".

وأشار:" إحنا 9 أولاد، وأنا رقم 7، أبويا كان جوارديولا، وأنا كنت بخدم الـ 8 أخواتي، وفي يوم قررت أعمل ثورة عليهم، لكن كنت بحضر لها جوا مخي، أخويا شالني ورماني برة وقفل الباب".

وحول نقطة التحول في حياته قال: "هو أنا ابتديت أحب نفسي وأحب أشوف شكلها حلو مش وحش، وأحب ألبس بشكل كويس وأحب أغنياتي وصوتي، و وأي حاجة بعد كده تأتي تحت حب الناس"، مضيفاً: " ويلي بحب أي حاجة في الدنيا أكثر من نفسه فهو "كذاب" فهي نقطة التحول كانت بأن أحب نفسي".