الحمل ♈

يوم بيدعمك لتحل مشكلة وتغير وضعك ..

وجود القمر بساعدك وبحسن وضعك ويعني في تغيير وقدرة على ايجاد الحلول واعادة الثقة مع محيطك و حتى عندك عائليا امور مؤقتة لاتخاف ويوم داعم الك باي شي بدك تعملو فلا تحملها زيادة ..

عاطفيا .. انت مشرق وجاذبيتك عالية والعاطفة كمان فخليك مع التجديد بحب اذا اعذب او اصلاح امور العلاقة اذا مرتبط ..

الثور ♉

في قصة عم تحصل وتدايقك بهاليوم ..

بتكون مو عبعضك وبتشعر انو الامور سيئة خليك بعيد عن الوحدة وكل شي رح يصير افضل بدي منك بس تصبر وخليك مرن بالتعامل قدر الامكان ولاتستفز المحيطين الك هاليوم ولاتتسرع بشي وخاصة عائليا ..

عاطفيا .. لاتسمح للمشاكل الصغيرة تأثر عليك ولاتستفز الشريك لان ممكن هالشي يزيد الامور سوء ..

الجوزاء ♊

بتقضي وقت حلو مع رفقاتك وعم تنعزم مع شخص ..

منيح يومك من جهة العلاقات والرفقة والدعم الايجابي يلي عم يقدموه الك هالفترة بالمجمل مارح قلك اطلب مساعدة لانك مارح تطلب لكن حاول تستفيد من وجودن معك ولاتضل لحالك وخليك حذر بشغلك ..

عاطفيا .. انت عم تمتلك الجاذبية بهالايام حاول تستغل هالشي ولا تفكر بالخسارة العاطفية لان يلي بيتركك هو يلي رح يخسر ..

السرطان ♋

يومك عم يكون مهم وعندك قصص عم تشغلك ..

لازم تعرف تتصرف بهاليوم لأن من الايام المهمة يلي عم تحدد فيها موضوع او قصة مهمة بحياتك مشان هيك لازم تنتبه وتستغل الفرص بعيد عن المشاكل يلي ممكن تحصل لان في ناس ناطرتك على غلطة ..

عاطفيا .. خليك هادي وماتحاول تخلي الشريك يتعبك انت مو ناقصك لان ..

الأسد ♌

يوم ممكن يحملك معارف جديدة وانفراجات ..

عندك كاريزما بهاليوم وانت أفضل بكتير و عم يكون من الايام الايجابية والمساعدة الك مارح قول لتحل كل شي لكن لتحسن وضعك وفرصة لتتعرف على ناس جديدة وتبدا قصة بحياتك وتكون بوضع أفضل ..

عاطفيا .. انت مدايق من بعض تصرفات الشريك وهالشي عم يعمل حساسية بيناتكن انا برايي تصارح الشريك وتفهم غلطو ..

العذراء ♍

عندك تحسن مالي وقصة بتنحل وبتحسم موضوع ..

يوم لتحل بعض القضايا وتحسمها فروق وفتش عن موارد جديدة هالشي ممكن يحصل من شراكة او ميراث لكن خليك منتبه لمصروفك حتى مايزيد اكتر وحتى ممكن تحل قصة قانونية وحلول ..

عاطفيا .. عم تفكر بشخص وعم تحاول تلاقي طريقة للصلح لكن صعب تكون المبادرة منك ..

الميزان ♎

كون رواق هاليوم وخليك مساير ليمر يومك ..

في توتر بالأجواء عندك وأمور بتخليك بكتير اوقات منفعل وعليك ضغوط كبيرة لكن حاول قدر الامكان تساير لان رح تخسر مواجهتك مع اي شخص بالرغم انو ممكن تتم عقد ويكون في شراكة ..

عاطفيا .. انت امام حب جديد او بداية ارتباط اذا كان وضعك بيسمح وغير هيك اذا انت مرتبط انتبهلي لعلاقتك ولاتكبر المشاكل ..

العقرب ♏

في تراكم بالقصص عندك فخلص الضروري وانتبه لصحتك ..

عندك اكتر من شغلة بهاليوم بتبدا نهارك بتعب صحي وبتشعر بانك مرهق حتى الشغل بيتراكم فجأة عليك وبتزيد المسؤوليات لاتخاف حاول تنهي الضروري وراعي وضعك الصحي وكل شي رح يكون منيح ..

عاطفيا .. استخدم عقلك لتوجه قلبك باتجاه المكان الصحيح والامن حتى ما تتعب اكتر ..

القوس ♐

يوم بيحملك تحسن عائلي وعاطفيا منيح وحتى في فرص ..

حاول تحل أمورك لتصل لأن من الايام الجيدة يوم للحظ والاجواء الحلوة يمكن عم تلاقي حالك بوضع افضل واخبار حلوة ممكن تسمعها وكمان عندك فرص عم تدق بابك وقادر تحصل على اوقات ممتعة ..

عاطفيا .. اذا مرتبط فيوم ايجابي الك واذا اعذب فرصة لتلاقي حب جديد ..

الجدي ♑

عم تتعب من مشاكل البيت وبدك ترتاح ..

يومك منيح لتغير بوضعك وعم تكون مدايق من وضعك وانت بالك مشغول بقصص البيت واهلك خاصة وهالشي بخليك متوتر ومو رايق حاول تهدى وتحل الامور بدون حساسيتك الزايدة لان لازم تكون قوي ..

عاطفيا .. مابعرف اذا الحب عندك الو علاقة بمشكلة مع الاهل بس انتبه وخليك بعيد عن المشاكل ..

الدلو ♒

يوم مناسب لتشوف عالم ويكون عندك تواصل افضل ..

عم يكون يوم بساعدك لتتواصل و يلي قادر فيه تقنع وتوصل رأيك في فرص لسفرة قصيرة او مشوار مع شخص معين كمان بتقدر تتحرك بحرية اكبر بهاليوم وانتبهلي من حوادث السير واعطال الموبايل عندك ..

عاطفيا .. استجابة الشريك عم تكون بطيئة وهالشي عم يخليك متوتر لكن يوم مميز اذا بدك تلتقي فيه ..

الحوت ♓

عم تصرف كتير فانتبه وعندك مال ممكن يجيك ..

في تطورات مالية عندك لدفع وقبض ووضعك المالي بحاجة لاعادة ترتيب وهالشي بخليك اليوم تكون دقيق حتى ما تخسر وبتميل للكسل وبتحب النوم زيادة وعندك قبض مبلغ مالي هاليوم اذا بدك ..

عاطفيا .. الامور العاطفية ماعم تكمل معك لكن انتظر ولا تتسرع كل شي رح يكون منيح ..